Милость мира

«Благода́ть Го́спода на́шего Иису́са Христа́, и любы́ Бо́га и Отца́, и прича́стие Свята́го Ду́ха, бу́ди со все́ми ва́ми.»

Этот возглас, по благословению архиерея, может произноситься служащим священником из алтаря. При этом священник оборачивается на запад и, несмотря на закрытые царские врата, благословляет молящийся в храме народ.

«Горе́ име́им сердца́.»

Если Литургию возглавляет священник, то он перед тем, как произнести эти слова, снова поворачивается на восток к престолу и широко воздевает свои руки вверх.

«Благодари́м Го́спода.»

После этого поворачивается на восток, ещё раз осеняет молящихся, теперь уже в алтаре, куда и входит через царские врата к престолу, и отдаёт иподиаконам трикирий и дикирий.
В это время лик очень протяжно поёт:

«Досто́йно и пра́ведно Тя пе́ти, Тя благослови́ти, Тя хвали́ти, Тя благодари́ти, Тебе́ покланя́тися на вся́ком ме́сте влады́чествия Твоего́. Ты бо еси́ Бог неизрече́нен, недове́домь, неви́димь, непостижи́мь, при́сно сый, та́кожде сый, Ты и Единоро́дный Твой Сын, и Дух Твой Святы́й. Ты от небытия́ в бытие́ нас приве́л еси́, и отпа́дшия возста́вил еси́ па́ки, и не отступи́л еси́ вся творя́, до́ндеже нас на не́бо возве́л еси́, и Ца́рство Твое́ дарова́л еси́ бу́дущее. О сих всех благодари́м Тя и Единоро́днаго Твоего́ Сы́на, и Ду́ха Твоего́ Свята́го, о всех, и́хже ве́мы, и и́хже не ве́мы, явле́нных и нея́вленных благодея́ниих бы́вших на нас. Благодари́м Тя и о слу́жбе сей, ю́же от рук на́ших прия́ти изво́лил еси́. А́ще и предстоя́т Тебе́ ты́сящи Арха́нгелов и тмы А́нгелов, Херуви́ми и Серафи́ми шестокрила́тии, многоочи́тии, возвыша́щиися перна́тии.»

Эта молитва Литургии Иоанна Златоуста. На Литургии Василия Великого архиереи и священники произносят другую молитву:

Сый Влады́ко, Го́споди Бо́же О́тче Вседержи́телю покланя́емый! Досто́йно я́ко вои́стинну, и пра́ведно, и ле́по великоле́пию святы́ни Твоея́, Тебе́ хвали́ти, Тебе́ пе́ти, Тебе́ благослови́ти, Тебе́ кла́нятися, Тебе́ благодари́ти, Тебе́ сла́вити еди́наго вои́стинну су́щаго Бо́га, и Тебе́ приноси́ти се́рдцем сокруше́нным и ду́хом смире́ния слове́сную сию́ слу́жбу на́шу, я́ко Ты еси́ дарова́вый нам позна́ние Твоея́ и́стины. И кто дово́лен возглаго́лати силы Твоя́, слы́шаны сотвори́ти вся хвалы́ Твоя́, или́ пове́дати вся чудеса́ Твоя́ во вся́ко вре́мя. Влады́ко всех, Го́споди небесе́ и земли́, и всея́ тва́ри, ви́димыя же и неви́димыя, седя́й на престо́ле сла́вы и призира́яй бе́здны, безнача́льне, неви́диме, непостижи́ме, неопи́санне, неизме́нне, О́тче Го́спода на́шего Иису́са Христа́, вели́каго Бо́га и Спаси́теля, упова́ния на́шего, и́же есть о́браз Твоея́ бла́гости: печа́ть равнообра́зная, в себе́ показу́я Тя, Отца́, Сло́во живо́е, Бог и́стинный, преве́чная Прему́дрость, живо́т, освяще́ние, си́ла, свет и́стинный, и́мже Дух Святы́й яви́ся; Дух и́стины, сыноположе́ния дарова́ние, обруче́ние бу́дущаго насле́дия, нача́ток ве́чных благ, животворя́щая си́ла, исто́чник освяще́ния, от него́же вся тва́рь слове́сная же и у́мная укрепля́ема Тебе́ слу́жит и Тебе́ присносу́щное возсыла́ет славосло́вие, я́ко вся́ческая рабо́тна Тебе́. Тебе́ бо хва́лят А́нгели, Арха́нгели, Престо́ли, Госпо́дьствия, Нача́ла, Вла́сти, Си́лы и многоочи́тии Херуви́ми. Тебе́ предстоя́т о́крест Серафи́ми, шесть кри́л еди́ному, и шесть кри́л еди́ному; и двема́ у́бо покрыва́ют ли́ца своя, двема́ же но́ги, и двема́ лета́юще, взыва́ют еди́н ко друго́му, непреста́нными усты́, немо́лчными славослове́ньми.

Затем архиерей/священник возглашает:

Побе́дную песнь пою́ще, вопию́ще, взыва́юще и глаго́люще.

При этом он сам, или служащий диакон, звездицей крестообразно осеняет, по очереди касаясь четырьмя её краями дискоса с Агнцем.

С си́ми и мы блаже́нными Си́лами, Влады́ко человеколю́бче, вопие́м и глаго́лем: свят еси́ и пресвя́т, Ты и Единоро́дный Твой Сын, и Дух Твой Святы́й. Свят еси́ и пресвя́т, и великоле́пна сла́ва Твоя́, и́же мір Твой та́ко возлюби́л еси́, я́коже Сы́на Твоего́ Единоро́днаго да́ти: да вся́к ве́руяй в Него́ не поги́бнет, но и́мать живо́т ве́чный. И́же прише́д, и все е́же о нас смотре́ние испо́лнив, в но́щь в ню́же предая́шеся, па́че же Сам Себе́ предая́ше за мірски́й живо́т, прие́м хлеб во свя́тыя Своя́ и пречи́стыя и непорочныя ру́ки, благодари́в и благослови́в, освяти́в, преломи́в, даде́ святы́м Свои́м ученико́м и Апо́столом, рек:

Диакон, держа орарь тремя пальцами правой руки, указывает на дискос, а архиерей, или священник, возглашает:

Приими́те, яди́те, сие́ есть Те́ло Мое́, е́же за вы ломи́мое во оставле́ние грехо́в.

На Литургии Василия Великого:

С си́ми блаже́нными си́лами, Влады́ко человеколю́бче, и мы́, гре́шнии, вопие́м и глаго́лем: свят еси́, я́ко вои́стинну, и пресвя́т, и несть ме́ры великоле́пию святы́ни Твоея́, и преподо́бен во всех де́лех Твои́х, я́ко пра́вдою и судо́м и́стинным вся наве́л еси́ на ны́: созда́в бо челове́ка, пе́рсть взе́м от земли́, и о́бразом Твои́м, Бо́же, поче́т, положи́л еси́ в раи́ сла́дости, безсме́ртие жи́зни и наслажде́ние ве́чных благ, в соблюде́нии за́поведей Твои́х обеща́в ему́, но преслу́шавша Тебе́, и́стиннаго Бо́га, созда́вшаго его́, и пре́лестию зми́евою привле́кшася, умерщвле́на же свои́ми прегреше́ньми, изгна́л еси́ его́ пра́ведным Твои́м судо́м, Бо́же, от рая́ в мір сей, и отврати́л еси́ в зе́млю, от нея́же взят бысть, устроя́я ему́ е́же от пакибытия́ спасе́ние, в Саме́м Христе́ Твое́м. Не бо отврати́лся еси́ созда́ния Твоего́ в коне́ц, е́же сотвори́л еси́, Бла́же, ниже́ забы́л еси́ дела́ рук Твои́х, но посети́л еси́ многообра́зне, ра́ди милосе́рдия ми́лости Твоея́. Проро́ки посла́л еси́, сотвори́л еси́ си́лы святы́ми Твои́ми, в ко́емждо ро́де благоугоди́вшими Тебе́. Глаго́лал еси́ нам усты́ раб Твои́х проро́ков, предвозвеща́я нам хотя́щее бы́ти спасе́ние. Зако́н дал еси́ в по́мощь, А́нгелы поста́вил еси́ храни́тели. Егда́ же прии́де исполне́ние време́н, глаго́лал еси́ нам саме́м Сы́ном Твои́м, И́мже и ве́ки сотвори́л еси́, И́же сый сия́ние сла́вы Твоея́ и начерта́ние ипоста́си Твоея́, нося́ же вся глаго́лом си́лы Своея́, не хище́ние непщева́ е́же бы́ти ра́вен Тебе́, Бо́гу и Отцу́, но Бог сый преве́чный, на земли́ яви́ся и челове́ком споживе́. И от Де́вы Святы́я вопло́щся, истощи́ Себе́, зра́к раба́ прие́м, сообра́зен быв те́лу смире́ния на́шего, да нас сообра́зны сотвори́т о́бразу сла́вы Своея́. Поне́же бо челове́ком грех вни́де в мір и грехо́м смерть, благоволи́ Единоро́дный Твой Сын, сый в не́дрех Тебе́, Бо́га и Отца́, быв от жены́, Святы́я Богоро́дицы и Присноде́вы Мари́и, быв под зако́ном, осуди́ти грех во пло́ти Свое́й, да во Ада́ме умира́юще, оживотворя́тся в саме́м Христе́ Твое́м. И пожи́в в міре сем, дав повеле́ния спаси́тельная, отста́вив нас пре́лести и́дольския, приведе́ в позна́ние Тебе́, и́стиннаго Бо́га и Отца́, стяжа́в нас Себе́, лю́ди избра́нны, царское свяще́ние, язы́к свят. И очи́стив водо́ю, и освяти́в Ду́хом Святы́м, даде́ Себе́ изме́ну сме́рти, в не́йже держи́ми бе́хом, про́дани под грехо́м, и соше́д кресто́м во ад, да испо́лнит Собо́ю вся, разреши́ боле́зни сме́ртныя. И воскре́с в тре́тий день, и путь сотвори́в вся́кой пло́ти к воскресе́нию из ме́ртвых, зане́ не бя́ше мо́щно держи́му бы́ти тле́нием нача́льнику жи́зни, бысть нача́ток уме́рших, перворожде́н из ме́ртвых, да бу́дет Сам вся, во всех пе́рвенствуяй. И возше́д на небеса́, се́де одесну́ю вели́чествия Твоего́ на высо́ких, и́же и прии́дет возда́ти кому́ждо по дело́м его́. Оста́ви же нам воспоминания спаси́тельнаго Своего́ страда́ния сия́, я́же предложи́хом по Его́ за́поведем. Хотя́ бо изы́ти на во́льную и приснопа́мятную, и животворя́щую Свою́ сме́рть, в но́щь, в ню́же предая́ше Себе́ за живо́т міра, прие́м хлеб на свя́тыя Своя́ и пречи́стыя ру́ки, показа́в Тебе́, Бо́гу и Отцу́, благодари́в, благослови́в, освяти́в, преломи́в,

и возглашает:

Даде́ святы́м Свои́м ученико́м и Апо́столом, рек: приими́те, яди́те, сие́ есть Те́ло Мое́, е́же за вы ломи́мое, во оставле́ние грехо́в.

Пи́йте от нея́ вси, сия́ есть Кровь Моя́ Но́ваго Заве́та, я́же за вы и за мно́гия излива́емая, во оставле́ние грехо́в.

На Литургии Василия Великого:

Даде́ святы́м Свои́м ученико́м и Апо́столом, рек: пи́йте от нея́ вси, сия́ есть Кровь Моя́ Но́ваго заве́та, я́же за вы и за мно́ги излива́емая во оставле́ние грехо́в.

Помина́юще у́бо спаси́тельную сию́ за́поведь, и вся я́же о нас бы́вшая: Крест, гроб, тридне́вное воскресе́ние, на небеса́ восхожде́ние, одесну́ю седе́ние, второ́е и сла́вное па́ки прише́ствие.

Диакон перекладывает свои руки крестообразно и приподнимает дискос и потир над престолом, и после возгласа архиерея ли священника ставит священные сосуды на прежнее место, кланяется и отходит в сторону. На Литургии Василия Великого:

Сие́ твори́те в Мое́ воспомина́ние: ели́жды бо а́ще я́сте Хлеб сей и Ча́шу сию́ пие́те, Мою́ сме́рть возвеща́ете, Мое́ воскресе́ние испове́даете. Помина́юще у́бо, Влады́ко, и мы́ спаси́тельная Его́ страда́ния, животворя́щий Крест, тридне́вное погребе́ние, е́же из ме́ртвых воскресе́ние, е́же на небеса́ возше́ствие, е́же одесну́ю Тебе́, Бо́га и Отца́, седе́ние, и сла́вное, и стра́шное Его́ второ́е прише́ствие.

Возглашение:

Твоя́ от Твои́х, Тебе́ принося́ще, о всех и за вся.

Еще́ прино́сим Ти слове́сную сию́ и безкро́вную слу́жбу, и про́сим, и мо́лим, и ми́ли ся де́ем, низпосли́ Ду́ха Твоего́ Свята́го на ны́, и на предлежа́щия Да́ры Сия́.

и, воздевая вверх свои руки, продолжает:

Го́споди, и́же Пресвята́го Твоего́ Ду́ха в тре́тий час Апо́столом Твои́м низпосла́вый, Того́, Благи́й, не отыми́ от нас, но обнови́ нас, моля́щих Ти ся.

Диакон стих Псалма 50:

Се́рдце чи́сто сози́жди во мне, Бо́же, и дух прав обнови́ во утро́бе мое́й.

Оба крестятся и кланяются. Священник повторяет:

Го́споди, и́же Пресвята́го Твоего́ Ду́ха…

Диакон стих:

Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Священник в третий раз:

Го́споди, и́же Пресвята́го Твоего́ Ду́ха…

Приклонив главу, и указуя орарем на Агнец, диакон говорит тихим голосом:

Благослови́, влады́ко, святы́й хлеб.

Священник, знаменует святый хлеб, говоря:

И сотвори́ у́бо хлеб сей Честно́е Те́ло Христа́ Твоего́.

Диакон:

Ами́нь.
Благослови́, влады́ко, святу́ю ча́шу.

Священник благословляя глаголет:

А е́же в ча́ши сей, Честну́ю Кровь Христа́ Твоего́.

Диакон:

Ами́нь.
Благослови́, влады́ко, обоя́.

Священник же, благословляя обоя́ Святая, глаголет:

Преложи́в Ду́хом Твои́м Святы́м.

Диакон:

Ами́нь, ами́нь, ами́нь.
Помяни́ мя, святы́й влады́ко, гре́шнаго.

Священник же глаголет:

Да помяне́т Тя Госпо́дь Бог во Ца́рствии Свое́м всегда́, ны́не и при́сно, и во ве́ки веко́в.

Диакон же рек:

Ами́нь.

Священник же молится:

Я́коже бы́ти причаща́ющимся во трезве́ние души́, во оставле́ние грехо́в, в приобще́ние Свята́го Твоего́ Ду́ха, во исполне́ние Ца́рствия Небе́снаго, в дерзнове́ние е́же к Тебе́, не в суд, или́ во осужде́ние.
Еще́ прино́сим Ти слове́сную сию́ слу́жбу, о и́же в ве́ре почи́вших, пра́отцех, отце́х, патриа́рсех, проро́цех, Апо́столех, пропове́дницех, евангели́стех, му́ченицех, испове́дницех, возде́ржницех, и о вся́ком ду́се пра́веднем в ве́ре сконча́вшемся.

И прием кадило, священник возглашает:

Изря́дно о Пресвяте́й, Пречи́стей, Преблагослове́нней, Сла́вней Влады́чице на́шей Богоро́дице и Присноде́ве Мари́и.

И кадит пред святою трапезою трижды. Диакон же кадит святую трапезу окрест и поминает если хочет живых и умерших.